Эмма Стоун хуримаа хойшлуулав
2020-03-19 11:39

Холливүүдийн од 31 настай жүжигчин бүсгүй Эмма Стоун (Emma Stone) болон түүний сүйт хархүү Дэйв МакКери (Dave McCary) нар хуримын ёслолоо хойшлуулахаас өөр аргагүй байдалд оржээ.

АНУ-д коронавирусийн халдварын тархалт сүүлийн үед эрчимтэй явагдаж байгаа тул тус улсын засаг захиргаа иргэдээ гэртээ хөл хорионд орж 10-аас дээш хүнтэй бөөгнөрөл, арга хэмжээ зохиохгүй байхыг хүссэн билээ.

Цөөхөн хүнтэй “булагнасан” ёслол хийхийг хүсээгүй “Ла ла лэнд” киноны од бүсгүй өнгөрөгч амралтын өдрүүдээр болох байсан хуримынхаа ёслолоо тодорхойгүй хугацаагаар хойшлуулахаар шийдсэн байна.

Шинэ коронавирусийн халдвараас болж цөөнгүй алдартнуудын хурим, гэрлэх ёслол хойшлогдож байгаа юм. 

Нэрт дуучин Кэти Перри болон алдарт жүжигчин Орландо Блүм нар хуримынхаа ёслолыг энэхүү гайтай өвчний улмаас цуцалсан билээ.

Мөн супермодель Наталья Водянова болон францын тэрбумтан Антуан Арно нарын 300 зочин урьсан тансаг хурим энэ зун Францын Шампань мужид болох байсан ч бас л тодорхойгүй байдалд ороод байгаа гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй