Батлагдсан дөрвөн тохиолдлын биеийн байдал харьцангуй дунд, нэг тохиолдлын байдал хүндэвтэр байна
2020-03-19 11:58

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн Тандалт судалгааны албаны дарга А.Амбасэлмаа "Гуравдугаар сарын 17-нд ХӨСҮТ-д нэг, Говь-Алтай аймагт нэг, Сэлэнгэ аймагт хоёр тохиолдол тусгаарлагдсан байсан. Энэ дөрвөн тохиолдлын шинжилгээнд коронавирус илрээгүй.

Өчигдөр буюу гуравдугаар сарын 18-нд Сэлэнгэ аймагт гурван сэжигтэй тохиолдол тусгаарлагдсан. ХӨСҮТ-д сэжигтэй тохиолдол бүртгэгдээгүй байна.

Гуравдугаар сарын 17-нд Берлин-Москва-УБ чиглэлийн тусгай нислэгээр ирсэн нэг тохиолдлын шинжилгээ эерэг гарсан. Нийт зургаан батлагдсан тохиолдол ХӨСҮТ-д эмчлэгдэж байна.

Батлагдсан дөрвөн тохиолдлын биеийн байдал харьцангуй дунд, франц иргэний тогтвортой байгаа, нэг тохиолдлын байдал хүндэвтэр байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй