Я.Буянжаргал: Өнөөдрийн байдлаар 1706 иргэнийг тусгаарлан ажиглаж байна
2020-03-19 13:34

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ЭМЯ-ны Эмнэлгийн тусламжийн газрын дарга Я.Буянжаргал "Тусгаарлан ажиглалтад 2975 хүн хянагдсанаас өнөөдрийн байдлаар 1706 иргэнийг тусгаарлан ажиглаж байна. Сэжигтэй тохиолдол гэж 309 тохиолдлыг авсан. 300 тохиолдлын онош үгүйсгэгдсэн, таван тохиолдлын онош батлагдаж, дөрвөн тохиолдол сэжигтэй гэдгээр хяналтад байж байна.

Истанбул-Улаанбаатарын нислэгээр өчигдөр 252 хүн ирсэн. Нисэх баг 15 хүний бүрэлдэхүүнтэй. ХӨСҮТ-д 24 хүн, Цэргийн төв эмнэлэгт 22 хүн, бусад иргэдийг Зүчи, Багабаян, Жаргалант, Асралтмед эмнэлэгт тусгаарлан ажиглалтад авлаа.

Тархи зүрхний хүнд эмгэгтэй хүүхэд Турк Улсад эмчлүүлж байгаа учраас энэ удаагийн нислэгээр ирээгүй.

Сэлэнгэ, Баян-Өлгий аймгийн хилийн боомтуудаар орж ирсэн иргэдийг аймаг, аймагт нь тусгаарлан ажиглалтад авсан" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй