Иргэдийн хандивыг үүрэг гүйцэтгэн ажиллаж байгаа алба хаагчдад хүргэлээ
2020-03-20 09:21

Шинэ коронавируст халдвараас урьдчилан сэргийлэх ажиллагаанд дэмжлэг үзүүлж иргэд, аж ахуйн нэгж, байгууллагаас ирүүлсэн хандивыг хяналтын цэгүүдэд үүрэг гүйцэтгэн ажиллаж байгаа алба хаагчдад хүргэх нэгдсэн арга хэмжээг өчигдөр зохион байгуулжээ.

Өнөөдрийн байдлаар нийслэлийн хэмжээнд 10 постод 180 орчим алба хаагч үүрэг гүйцэтгэж байгаа юм. Алба хаагчдад  иргэд, аж ахуйн нэгж, байгууллагаас ирүүлсэн амны хаалт, ариутгалын бодис, дархлаа дэмжих бүтээгдэхүүн болоод хоол хүнсийг хүргэсэн байна.

Монгол Улсын Засгийн газраас “Гамшгаас хамгаалах өндөржүүлсэн бэлэн байдлын  зэрэгт” 2020 оны 02 дугаар сарын 13-ны өдрөөс хэсэгчлэн шилжүүлсэнтэй холбогдуулан төрийн байгууллагын алба хаагчид 24 цагаар хяналтын постуудад 36 дахь өдрөө үүрэг гүйцэтгэн ажиллаж байна гэж Онцгой байдлын ерөнхий газраас мэдээллээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй