Нийслэл рүү зөвшөөрөлгүй их хэмжээний түүхий нүүрсийг оруулахыг завджээ
2020-03-20 09:38

Гуравдугаар сарын 13-нд Өлзийт-1 Авто тээврийн шалган нэвтрүүлэх товчоогоор иргэн Б, Г нар 40-80 УНК, 30-81 УБА улсын дугаартай тээврийн хэрэгслээр Төв аймгийн Зуунмод хотоос зөвшөөрөлгүй 45 тонн Багануурын түүхий нүүрс тээвэрлэн явсныг хяналт шалгалтаар илрүүллээ. 

Мөн уг товчоогоор гуравдугаар сарын 15-ны өдөр 39-27 УНР, 52-12 ГЧ улсын дугаартай тээврийн хэрэгслээр холбогдох бичиг баримтгүй зөвшөөрөлгүй 37 тонн Налайхын түүхий нүүрс тээвэрлэн Төв аймаг Баянхангай сум руу явсныг хяналт шалгалтаар илрүүлсэн байна.

Нийслэлийн Засаг даргын 2019 оны А-1118 тоот захирамжийн дагуу Амгалан дулааны станцид төвлөрүүлэн, Зөрчлийн тухай хуулийн 6.24 дүгээр зүйлийн 2 дахь хэсэгт /Агаарын бохирдлоос хамгаалах, урьдчилан сэргийлэх зорилгоор тодорхой нутаг дэвсгэрт хориглолт тогтоосон захиргааны хэм хэмжээний актыг зөрчсөн, хориглосон бүсэд түүхий нүүрс зөвшөөрөлгүй тээвэрлэсэн, эсхүл нэвтрүүлсэн бол зөрчилтэй эд зүйлийг хурааж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно/ дагуу арга хэмжээ авчээ.

Эх сурвалж: НМХГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй