Найзыгаа ажилд нь хүргэж өгөөд саятан болжээ
2020-03-20 10:16

АНУ-ын Умард Каролина мужийн Шелби хотын оршин суугч өөрийн найздаа тусалсны шанд авсан мөнгөөрөө сугалааны тасалбар худалдаж аваад 4 сая ам.доллар хожсон байна.

Тэтгэвэртээ гарсан гал сөнөөгч мэргэжилтэй Кеннет Крюс (Kenneth Crews) хувийн автомашингүй нэгэн найзыгаа хааяа ажил руу нь хүргэж өгдөг аж. Уг нь найзаасаа мөнгө авдаггүй ч тэр нэгэн бороотой өдөр анд нь түүнд 60 доллар (166 мянган төгрөг) өгч, хонжворт сугалаа тоглож азаа туршихыг хүссэн гэнэ.

Крюс ч найзынхаа зөвлөгөөг даган зэргэлдээх дэлгүүрээс нэг бүр нь хорин долларын үнэтэй гурван сугалааны тасалбарыг авсан байна. Эхний тасалбараа хусч арилгатал юу ч хожоогүй байв. Харин хоёрдахиараа 30 доллар (83 мянган төгрөг), гуравдахь тасалбараараа 4 сая доллар (11 тэрбум 76 сая төгрөг)-ыг хожжээ.

Гуравдугаар сарын 16-ны даваа гарагт хонжвороо авсан Крюс шинэ байшин барихад болон хамаатнуудынхаа бага сага өрийг дарахад энэхүү мөнгөө зарцуулахаар төлөвлөсөн гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй