Говь-Алтай аймагт 5.8 магнитудын хүчтэй газар хөдлөлт болжээ
2020-03-20 15:25

Улаанбаатарын цагаар 2020 оны гуравдугаар сарын 20-ны 11 цаг 03 минут 11 секундэд Говь-Алтай аймгийн Тонхил сумаас зүүн урд зүгт 30км зайнд магнитуд нь М=5.8-тай газар хөдлөлт боллоо гэж Одон орон геофизикийн хүрээлэнгээс мэдээллээ.

Газар хөдлөлтийн төв өргөрөг 46.06, уртраг 94.07.

Тодруулга: Дэлхийн царцдас мандалд хуримтлагдсан хүчдэл огцом чөлөөлөгдөн уян харимхай долгион болон тархах үзэгдлийг газар хөдлөлт гэнэ. Үүнийг энгийн үгээр хэлбэл таны алхаж буй газар нь дэлхийн гадаргууд үүссэн хүчдэлийн нөлөөгөөр долгисон хөдлөх үзэгдэлийг хэлнэ.

Энэхүү хүчдэлийг үүсгэгч хүч нь янз бүр байдаг хэдий ч дэлхийн өөрийнх нь үүсгэж буй тектоник хөдөлгөөний улмаас үүсэх газар хөдлөлтийг бусадтай нь зүйрлүүлэх аргагүй билээ. Иймээс ч судлаачид нь газар хөдлөлт гэдэг ойлголтыг доорхи байдлаар томъёолдог.

Дэлхийн тектоник хөдөлгөөний улмаас царцдас мандалд хуримтлагдсан хүчдэл огцом чөлөөлөгдөхөд уян харимхайн долгион тархах үзэгдлийг газар хөдлөлт гэнэ.

Газар хөдлөлтийг гарал үүслийн хувьд тектоникийн, галт уулын, нуралтын ба тэсэлгээний гэж ангилан хуваан үздэг.

Эх сурвалж: ООГХ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй