Д.Нямхүү: Берлин-Москва-Улаанбаатарын нислэгээр ирсэн дөрвөн тохиолдлоос коронавирус илэрлээ
2020-03-21 11:35

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "ХӨСҮТ-д одоогоор 193 хүн хяналт, тандалт,  ажиглалтад байна. 2020 оны гуравдугаар сарын 16-нд Берлин-Москва-Улаанбаатарын тусгай нислэгээр ирсэн 156 хүний шинжилгээ хийгдсэн. Үүнээс дөрвөн тохиолдолд коронавирус илэрлээ. Ингээд Монгол Улсад батлагдсан тохиолдол нийт 10 боллоо.

Дорноговь аймагт тусгаарлагдаад байсан батлагдсан тохиолдлын хавьтал болох 58 хүний давтан шинжилгээнд коронавирус илрээгүй.

Гуравдугаар сарын 19-нд Хэнтий аймагт тусгаарлагдсан нэг тохиолдлын шинжилгээнд коронавирус илрээгүй байна.

2020 оны гуравдугаар сарын 20-нд нэг сэжигтэй тохиолдол ХӨСҮТ-д тусгаарлагдан тандалт судалгаа хийгдэж байна.

Батлагдсан дөрвөн тохиолдлын хоёр нь эрэгтэй, хоёр нь эмэгтэй хүн байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй