Я.Буянжаргал: Одоо 1963 иргэн ажиглалтад байна
2020-03-21 12:36

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ЭМЯ-ны Эмнэлгийн тусламжийн газрын дарга Я.Буянжаргал "Өнөөдрийн байдлаар 3025 иргэнийг тусгаарлалтад авч ажилласан байна. Одоо 1963 иргэн ажиглалтад байна.

Баян-Өлгий, Сэлэнгэ, Дархан-Уул, Дорнод аймгийн боомтуудаар ОХУ, Казахстан зэрэг орнуудаас иргэд нилээд их орж ирж байна. Энэ нь тухайн улс орнуудад оюутнуудын хичээл сургалтад хязгаарлалт хийсэн, оюутны байрнаас чөлөөлж байгаа зэрэг тухайн орнуудын авч хэрэгжүүлж байгаа үйл ажиллагаатай холбоотой учраас бид иргэдээ хүлээн авч байна.

Тусгаарлалт, ажиглалтаас гарч буй иргэдийг гэртээ 14 хоног үргэлжлүүлэн өөрийгөө тусгаарлах хэрэгцээ шаардлага бусад орнуудын туршлагаас харахад байна.

Тусгай нислэгээр ирж байгаа эм, эмнэлгийн хэрэгслүүдийг холбогдох байгууллагуудтай хамтраад гадаргуун халдваргүйжүүлэлтийг хийгээд, гаалийн бүрдүүлэлтийг хийгээд татан авах ажиллагаа явагдаж байгаа. Өнөөдрийн байдлаар эмнэлгийн тусламж үйлчилгээнд тасарсан эм, эмнэлгийн хэрэгсэл байхгүй" гэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй