Онлайн баар үүд хаалгаа нээжээ
2020-03-23 10:03

Уг үйлчилгээг үүсгэн байгуулагчид хүмүүсийг коронавирусийн халдвар авахгүйн тулд гэр гэртээ байхыг уриалж байгаа бөгөөд энэ нь дэлхий дахиныг хамарсан #StayTheFuckHome төсөл санаачлагынх нь зөвхөн нэг хэсэг юм байна.

Хөл хорио, карантины үед хааяхан хатуу дарсыг ханиндаа татаж болох онлайн баарыг Петербургийн shishki.collective агентлаг ажиллуулж эхэлжээ.

Stay the Fuck Home Bar нь 12 хүнд үйлчлэх хэдэн “өрөө, тасалгаа”-тай гэнэ. Тусгай урилганы тусламжтайгаар видео дуудлага хийн бусад хэрэглэгчидтэйгээ холбогдох аж.

Whereby платформ дээр суурилсан уг сайтын ажиллах зарчим их энгийн гэнэ.

Аягандаа шар айргаа хийлээ, сайтдаа холбогдлоо, харин тэнд үл таних “зовлон нэгт” нөхдүүд чинь байж байна. Лос-Анжелесийн оршин суугч ч юм уу, Таллины “томоотой” залуу ч юм уу эс бөгөөс Москва хотын ёстой жинхэнэ “орос мужик” өөдөөс чинь хараад аягатай идээний дээдээ бариад сууж байх гэнэ.

Жишээлбэл, испани залуу нутагт нь ямар гоё нарлаг байгааг цонхоороо харуулна, харин гудамжинд нэг ч хүн байхгүй байх болно. Тэгээд л нутаг нутгийнхаа сонинг хуучлаад л завсар зайгаар нь хундага дарсаа бага багахан шимэх гэнэ дээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй