Үргэлжлүүлэн гэртээ тусгаарлагдсан иргэдийг гар утасны аппликейшн болон хөршийн тусламжтайгаар хянана
2020-03-23 14:20

УОК-ын Шуурхай штабаас цаг үеийн асуудлаар мэдээлэл хийлээ.

Энэ үеэр ОБЕГ-ын олон нийттэй харилцах төвийн дарга, дэд хурандаа Б.Дуламсүрэн "Засгийн газрын хуралдаанаас өчигдөр хэд хэдэн шийдвэр гаргасан.

Тухайлбал,

• Баян-Өлгий аймгийн Цагааннуурын боомтоор орж ирж буй иргэдийн хөдөлгөөнийг гуравдугаар сарын 23-ны өдрийн 20:00 цагаас зогсоох.

• Сэлэнгэ аймгийн Алтанбулагийн боомтоор орж ирэх иргэдийн хөдөлгөөнийг гуравдугаар сарын 28-ны 06:00 цагт зогсоох.

• Ариутгал, халдваргүйтгэлийн ажлыг дөрөвдүгээр сарын 5-ныг хүртэлх хугацаанд улс орон даяар зохион байгуулах

• Буянт-Ухаа, Замын-Үүд, Алтанбулаг боомтоор Монгол Улсын иргэдийг татаж авах асуудлыг УОК-ийн шийдвэрээр тухай бүрт нь шийдвэрлэж байхаар тогтсон байна.

Баян-Өлгий, Баянхонгор, Дорнод, Дархан, Дорноговь, Орхон, Өмнөговь, Хэнтий, Ховд, Хөвсгөл, Сэлэнгэ, Увс, Завхан аймагт тусгаарлагдан ажиглагдаж байгаа иргэдтэй холбоотойгоор тус аймгуудын шуурхай штабд холбогдох үүрэг чиглэлийг өгсөн.

Түр тусгаарлан ажиглах 14 хоног нь дууссан иргэдийг үргэлжлүүлэн гэрт нь тусгаарлах ажлыг зохион байгуулна. Тухайн иргэн гэртээ мөрдөх журмыг хэрэгжүүлээгүй тохиолдолд хуулийн хариуцлага хүлээлгэх асуудал орсон. Гэрээр тусгаарлагдсан иргэдийг хянах гар утасны аппликейшн болон хөршийн хяналтыг зохион байгуулахаар ажиллаж байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй