Энистоны хөл хорионы үеийн зөвлөгөө
2020-03-24 11:34

Коронавирусийн халдварын улмаас дэлхийн олон улс орны иргэд хөл хорионд орж байгаа энэ цаг үед урлаг соёл болон спортын одууд ч мөн ийм байдалд орсон.

Бусдын л адил хүмүүн учир тэдэнд ч дөрвөн хананы дунд хашигдахаараа юу хийх вэ гэдэг асуулт гарч ирж байгаа юм.

Холливүүдийн од Женнифер Энистон энэхүү асуултдаа хариултыг олсон байна. Бель-Эйр дахь 800 квадрат метр хэмжээтэй хувийн орон сууцаа цэвэрлэх, хувцасныхаа өрөөг цэгцлэхэд чөлөөт цагаа зарцуулахаар шийдсэнээ 51 настай жүжигчин бүсгүй өгүүлжээ.

“Би хувцасныхаа шүүгээтэй ноцолдсоор л байна. Хэзээ дуусах юм бүү мэд. Гэрийн хорионд байгаа энэ цаг хугацаандаа хаврын цэвэрлэгээгээ дориухан хийгээд ав гэж би зөвлөмөөр байна” гэж тэрбээр Эллен Деженересийн инстаграм-нэвтрүүлэгт орохдоо ярьсан байна.

Тодруулахад, Эллен Деженерес студид бус гэрээсээ гар утсаараа одуудтай холбогдож өөрийнхөө шоуг хийж байгаа билээ.

Женнифер гэр орноо цэвэрлэхийн хажуугаар ном унших цаг чамгүй гарч байгаад баяртай байгааг мөн нэмж өгүүлжээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй