Д.Нямхүү: ХӨСҮТ-д өнөөдрийн байдлаар 289 хүн тусгаарлалт хяналтад байна
2020-03-24 11:54

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Гуравдугаар сарын 19-нд Истанбул-Улаанбаатарын чиглэлийн тусгай нислэгээр ирсэн 22 хүний шинжилгээнээс коронавирус илрээгүй. Урьд нь 24 хүнийг сонгож шинжилгээ хийхэд коронавирус илрээгүй гэдгийг бид мэдээлж байсан. 

Мөн Орхон аймагт тусгаарлагдсан зургаан хүний шинжилгээнд коронавирус илрээгүй. ХӨСҮТ-д өнөөдрийн байдлаар 289 хүн тусгаарлагдан хяналтад байна.

Гуравдугаар сарын 23-нд Алтанбулагийн боомтоор орж ирсэн зорчигчдоос Сэлэнгэ аймагт хоёр, Орхон аймагт нэг, нийт гурван сэжигтэй тохиолдол тусгаарлагдан ажиглалт, хяналт хийгдэж байна. Сорьц наашаа ирж байгаа" гэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй