Халуухан тайчигч халуун хоол хүргэнэ
2020-03-25 09:51

АНУ-ын Орегон мужийн Портлэнд хотын Lucky Devil Lounge стриптиз клабын бүжигчид захиалагчдын гэрийн хаягаар хоол хүргэж өгөх шинэ үйлчилгээг нэвтрүүлжээ.

Коронавирусийн халдварын улмаас хаалгаа барих болсон тус клубын удирдлагууд дампуурахгүйн тулд өдөр бүр үдшийн 19 цагаас шөнийн 00 цаг хүртэл энэхүү өвөрмөц хоол хүргэлтийн үйлчилгээг зохион байгуулж эхэлсэн байна.

“Хүмүүсээ ажилгүй, цалин мөнгөгүй үлдээхгүйн тулд гал тогоогоо ажиллуулан хоол хүргэлт хийж байна. Цээж нүцгэн бүжигчид маань захиалгыг гэрт нь хүргэж өгнө. Энэхүү үйлчилгээгээ Boober гэж нэрлэлээ” гэж Lucky Devil Lounge-ийн албан ёсны цахим хуудсанд мэдээлжээ.

Анхны үйлчлүүлэгчид тэдний энэхүү шинэлэг үйлчилгээг ихэд магтсан байна.

“Boober-ээс хоол захиаллаа. Цаг ч болоогүй байхад халуухан тайчигч бүсгүй хаалгыг минь тогшсон шүү” гэсэн магтаалын үгс цахим хуудсанд зөндөө байх аж.

Тайчигчдыг хамгаалагчид дагалдаж яваа бөгөөд үйлчлүүлэгчид ганцхан зүйл хориотой гэнэ. Тэр нь тайчигчийн биед хүрч болохгүй. Учрыг нь мэдэж байгаа биз дээ, нөгөө л гайтай коронавирус...

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй