Хүүхдэд коронавирусийн нэрийг хайрлажээ
2020-03-26 09:51

Дөнгөж мэндэлсэн охинд COVID-19 цар тахлын нэрийг өгсөн явдал Энэтхэгт гарчээ. Нярай бяцхан охинд Корона гэх алдрыг авга ах нь хайрласан байна.

Коронавирус нь хүн төрөлхтөнийг аюулт өвчнийг дарахын төлөө эвлэлдэн нэгдэхэд хүргэсэн “буянтай үйл бүтээсэн” тул ийм нэрийг хайрлах болсон гэсэн тайлбарыг охины авга ах Нитеш Трипати сэтгүүлчдэд хэлжээ.

“Энэ вирус үнэхээр аюултай. Дэлхий даяар олон ч хүмүүний аминд хүрч байна. Гэвч бас бидэнд цөөнгүй сайн дадал зуршлийг суулгаж өглөө” хэмээн өгүүлэх Нитеш нэр өгөхдөө охины эцэг, эх болон гэр бүлийнхэнтэйгээ зөвлөлдсөн гэдгийг өгүүлэв.

“Энэ хүүхэд вирустай тэмцэж буй хүмүүн төрөлхтөний эв нэгдлийн бэлгэ тэмдэг байх болно гэдэгт би итгэлтэй байна” гэж авга ах нэмж хэллээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй