Шэрон Стоун зураач болжээ 
2020-03-26 11:25

Хөл хорио нь зарим нэг хүмүүст хүндээр тусч байгаа бол зарим нэг бүтээлч хүмүүс нь өөрийгөө шинэ зүйлд сорих зэргээр цагийг үр бүтээлтэй өнгөрүүлж байна.

Холливүүдийн од, 62 настай жүжигчин бүсгүй Шэрон Стоун энэ цаг хугацааг ашиглан зураг зурж сурахаар шийджээ.

Тэрбээр анхны уран бүтээл болох цээнийн цэцэг зурснаа инстаграм хуудсандаа оруулсан байна.

“Би зургаа зурж дууслаа. Маш их баяртай байна. Тун дажгүй болчихлоо гэж би бодож байгаа шүү. Та зүгээр л  гиюүрч суугаа бол хийж чадахгүй гэж бодсон зүйлсээ хийхийг оролдож үзээрэй гэж би зөвлөмөөр байна. Энэ миний анхны алхам минь байлаа. Та ч гэсэн өөрт таалагддаг ямар нэгэн зүйлийг хийж бүтээж байгаа гэдэгт би итгэлтэй байна. Мөн таныг аюулгүй газарт, эрүүл энх байгаа гэдэгт би итгэлтэй байна” гэсэн тайлбарыг алдарт жүжигчин бүсгүй анхны уран зургийнхаа бичжээ.

Түүнийг дагагчид уран бүтээлийг нь сайшаахын ялдамд дуудлага худалдаагаар борлуулж олсон орлогоо эмч сувилагч эс бөгөөс коронавирусийн халдварын улмаас асар их хохирол амсаж буй кафе, зоогийн газрын эзэд болон ажилтнуудад хандивлахыг уриалсан байна.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй