Я.Буянжаргал: Тусгаарлах байруудад 309 эмч, эмнэлгийн мэргэжилтнүүд ажиллаж байна
2020-03-26 12:32

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ЭМЯ-ны Эмнэлгийн тусламжийн газрын дарга Я.Буянжаргал "Өнөөдрийн байдлаар тусгаарлах байранд улсын хэмжээнд 3500 хүнийг тусгаарласан. Яг одоогийн байдлаар 2126 иргэн ажиглалтад байна.

Сүүлийн 24 цагийн дотор Дархан-Уул аймагт 23 тохиолдол ирсэн бөгөөд хоёр тохиолдлыг нь сэжигтэй гэж үзэн аймгийн Нэгдсэн эмнэлгийн халдвартын тасагт тусгаарласан.

Нэг нь Монгол, Тайланд, Макао, Камбож, Турк, Москвагаар дамжиж явсан иргэн бөгөөд 37.2 хэмийн халуунтай, хоолой өвдсөн гэсэн зовуурьтайгаар тусгаарлагдсан. Одоогоор иргэн халуунгүй байна.

Хоёр дахь иргэн нь Якутаас дамжиж ирсэн бөгөөд бие зарайж байна гэсэн зовуурьтайгаар тусгаарлагдаад байна.

Түүнчлэн Замын-Үүдээр 33 иргэн ирж мөн тусгаарлагдсан. Тусгаарлах байруудад нийт 309 эмч, эмнэлгийн мэргэжилтэн, эрүүл мэндийн байгууллагын ажилтнууд ажиллаж байна" гэлээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй