Говь-Алтайд өчигдөр оройноос хойш гурван удаа газар хөдөлжээ
2020-03-27 10:12

Улаанбаатарын цагаар 2020 оны гуравдугаар сарын 20-ны 11 цаг 03 минут 11 секундэд Говь-Алтай аймгийн Тонхил сумаас зүүн урд зүгт 30 км зайнд магнитуд нь М=5.8-тай газар хөдлөлт, 2020 оны гуравдугаар сарын 24-ны 06 цаг 47 минут 40 секундэд Говь-Алтай аймгийн Тонхил сумаас урд зүгт 30 км зайнд магнитуд нь М=4.5-тай газар хөдлөлт болсон тухай бид мэдээлсэн билээ.

Тэгвэл Говь-Алтай аймгийн Тонхил болон Бигэр суманд өчигдөр орой болон өнөөдөр үүрээр 3,7-4,1 магнитудын хүчтэй гурван удаагийн газар хөдлөлт болжээ.

Говь-Алтай аймгийн Тонхил сумын Тамч багийн “Хатавчийн-Ам” гэдэг газар өчигдөр буюу гуравдугаар сарын 26-ны 18:31 цагт 3.9 магнитудын хүчтэй газар хөдлөлт болсон тухай мэдээллийг Одон орон геофизикийн хүрээлэнгээс мөн өдрийн 18:44 цагт цахим шуудангаар ирүүлсэн. Тус аймгийн Онцгой байдлын газраар дамжуулан тус сумын Засаг дарга Тамгын газрын дарга М.Хүүхнээгээс тодруулахад иргэдэд чичирхийлэл мэдрэгдсэн бөгөөд хохирол учраагүй тухай мэдээлсэн.

Мөн тус суманд урьд шөнө буюу гуравдугаар сарын 27-ны 04:46 цагт 4.1 магнитудын хүчтэй газар хөдлөлт болсон тухай мэдээллийг Одон орон геофизикийн хүрээлэнгээс мөн өдрийн 05:00 цагт цахим шуудангаар ирүүлсэн. Тус аймгийн Онгцой байдлын газраар дамжуулан тус сумын Засаг дарга Р.Даваадоржоос тодруулахад иргэдэд чичирхийлэл мэдрэгдсэн бөгөөд хохирол учраагүй тухай мэдээлсэн.

Бигэр сумын Мянгаа багийн “Ногоон шанд” гэдэг газар урьд шөнө буюу гуравдугаар сарын 27-ны 03:25 цагт 3.7 магнитудын хүчтэй газар хөдлөлт болсон тухай мэдээллийг Одон орон геофизикийн хүрээлэнгээс мөн өдрийн 03:40 цагт цахим шуудангаар ирүүлсэн. Тус аймгийн Онцгой байдлын газраар дамжуулан тус сумын Засаг дарга Ж.Лхаасүрэнгээс тодруулахад иргэдэд чичирхийлэл мэдрэгдсэн бөгөөд хохирол учраагүй тухай мэдээлсэн гэж Онцгой байдлын ерөнхий газраас мэдээллээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй