Анжелина Жоли хүүхдүүдэд нэг сая доллар хандивлав
2020-03-27 13:50

Олны танил хүмүүс, одууд өдөр болгон л өөрсдийнхөө үйлдлээрээ коронавирусийн халдвараас болж хүндхэн байдалд ороод байгаа хүмүүс, байгууллагуудад сэтгэл санааны дэм өгч, зоригжуулж байгаа билээ.

Алдарт топ модель Синди Кроуфордийн охин Кайя Гербер гэрийн тэжээвэр амьтдын асрамжийн газарт тусалж байгаа бол Крис Мартин, Жон Леженд нар гэрээсээ онлайнаар концерт тоглож байна.

Харин НҮБ-ын Сайн санааны элч, нэрт жүжигчин бүсгүй, зургаан хүүхдийн эх Анжелина Жоли хөл хорионы үеэр хичээл сургуульдаа явж чадахгүй байгаа амьдралын боломж муутай гэр бүлийн хүүхдүүдэд өдрийн хоолыг нь таслахгүй өгч байх зорилгоор No Kid Hungry хүүхдийн санд нэг сая доллар хандивласан гэнэ.

“Дэлхий даяар бараг тэрбум гаруй хүүхэд коронавирусийн халдварын улмаас хичээл сургуульдаа явж чадахгүй байна. Тэдний олонх нь сургуулиасаа авдаг тусламж, хоол хүнсний дэмжлэгээс их хамааралтай байдаг юм” гэж Энжи өгүүлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй