Д.Нямхүү: Хоёр өвчтөн эдгэрсэн сайн мэдээ байна
2020-03-30 11:29

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Эмчлэгдэж байгаа хүмүүсээс эхний хоёр хүнийг эмнэлгээс гаргахаар болсон. Сайн мэдээ. Сүүлийн гурав хоногт таван зүйлийн сорьцонд шинжилгээ хийсэн, коронавирус илрээгүй. Мөн эмнэлзүйн шинж тэмдгийн хувьд бүрэн арилсан. Тийм учраас хоёр хүнээ эмчлэн эдгэрүүлээд эмнэлгээс гаргах гэж байна. Гэхдээ хоёр хүн маань 14 хоног үргэлжлэн тусгаарлагдаж өөрийгөө хянах дүрмийг дагах болно.

Гуравдугаар сарын 29-нд коронавируст халдварын анхны батлагдсан тохиолдлын хавьтал болох 59 хүнд гуравдахь удаагаа давтан шинжилгээ хийхэд коронавирус илрээгүй.

Мөн тусгаарлалтад байгаа ХӨСҮТ-д 16, Сэлэнгэ аймагт 10, нийт 26 хүнд давтан шинжилгээ хийлээ. Коронавирус илрээгүй.

Гуравдугаар сарын 29-нд ХӨСҮТ болон нийт Монгол Улсын хэмжээнд сэжигтэй тохиолдол бүртгэгдээгүй сайн мэдээ байна. Өнөөдрийн байдлаар ХӨСҮТ-д 220 хүн ажиглалт, тусгаарлалтад хянагдаж байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй