Ж.Амгалан: Гэртээ тусгаарлагдах ёстой зарим иргэд дайнд яваад ирсэн баатар шиг баймааргүй байна
2020-04-01 13:42

 

Улсын онцгой комиссын Шуурхай штабаас өнөөдөр ээлжит мэдээллээ хийлээ.

Энэ үеэр Цагдаагийн Ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан "Гадаад орнуудаас ирж тусгаарлагдаад одоо гэртээ үргэлжлүүлэн тусгаарлагдаж буй иргэд энэ үүргээ чанд сахин биелүүлэх хэрэгтэй байна.

Өнгөрсөн хоногийн хугацаанд гэртээ тусгаарлагдах ёстой иргэдээс 14 нь архи, согтууруулах ундааны зүйлсийг хэрэглэж, гэр орондоо агсам согтуу тавьсны улмаас эрүүлжүүлэх байранд очих хэмжээнд очих хэмжээний асуудал үүсч байна. Энэ өөрөө аюул юм аа. 14 хоног, 21 хоногийн дараа гээд тодорхой хугацааны дараа хэзээ ч гэсэн энэ вирус ямар ч иргэнээс гарахгүй гэх баталгаа байхгүй.

Одоо тусгаарлах байрнаас гараад гэртээ тусгаарлах үүргээ биелүүлээгүй иргэдтэй хуулийн хариуцлага тооцно оо. Зөрчлийн тухай хуулийн 5.2 болон 3.14-өөр холбогдох арга хэмжээг нь тооцохоос өөр арга алга. Уг нь манай иргэд дэг журмаа сайтар сахиад тэр торгууль, шийтгэлд төлөх гээд байгаа мөнгөө ахуй амьдралдаа зарцуулвал өөрсдөд нь хэрэгтэй байна. Дайнд яваад ирсэн баатар шиг ингээд байж болмооргүй байна.

Өнөөдөр Улаанбаатар хотод тусгаарлах байрнаас гарч ирээд өөрийгөө тусгаарлаж байгаа 624 газарт хяналт тавигдаж байгаа. Зөрчил гараад байгаа учраас "Тусгаарлалт" гэсэн тэмдгийг өнөөдрөөс эхэлж наана. Нийтийн эрх ашгийг анхаарах хэрэгтэй байна шүү" гэлээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй