“Ухаант” цагдаагийн урагшгүй алхам
2020-04-02 10:14

Энэтхэгийн Андхра-Прадеш мужийн цагдаагийн ажилтан өвөрмөц нэгэн аргаар коронавирусийн халдварын талаарх нутгийн иргэдийнхээ мэдлэгийг дээшлүүлэхээр шийдсэн  байна.

Жижиг хот, тосгодын оршин суугчид хэвлэл мэдээллийн хэрэгслүүдээс мэдээлэл авах боломж бололцоо муутайг мэдэх Марути Шанкер аюулт өвчний вирусын “гэгээн дүр”-ийг үзүүлж таниулах зорилгоор эргүүлийн морио "улаан эрээн" болгон буджээ. Мөн өвчин хурдан морь шиг л асар хурдан тархах боломжтой гэдгийг ойлгуулах далд санааг ч агуулсан гэнэ.

Харамсалтай нь, хөөрхий морь баталгаагүй будганаас болж өвдөж зовох вий гэдэгт олон нийт санаа зовж, түүний энэ бодлогогүй алхмыг нь хурцаар шүүмжилсэн байна.

Нутгийн иргэдийг ухааруулж сэнхрүүлэх нь зөв хэдий ч үүнээс болж амьд амьтад зовж шаналах ёсгүй гэж үзэж буйгаа оршин суугчид мэдэгджээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй