Ач охиноо андуурсан өвөө асуудал үүсгэв
2020-04-03 09:53

Швед Улсын Бурос хотын оршин суугч нэгэн өндөр настан цэцэрлэгээс ач охиноо авахдаа андууран өөр айлын хүүхэдтэй гэртээ харьж, том хэрэг тарьсан байна.

Өвгөнийгөө танихгүй охин хөтлөөд орж ирэхээр нь эндүүрэл гарсныг эмгэн нь ойлгожээ. Хатагтай ч шуурхай арга хэмжээг авч, тэр дор нь цэцэрлэг рүү утасдаж хэлээд айлын хүүхдийг аваачиж өгөн холио солиогоо “гаргасан” байна.

“Ийм эндүүрэл гарсан нь байж боломгүй юм. Бид алдаа гаргаснаа ойлгож байна. Асуудалд бид нухацтай хандаж, цаашид алдаагаа давтахгүй байх арга хэмжээг авсан” хэмээн цэцэрлэгийн эрхлэгч мэдэгджээ.

Охид ижил нэртэй, ойролцоо насных бөгөөд төстэй төрхтэй болохоор өвөө андуурсан гэж орон нутгийн хэвлэлд бичсэн байна.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй