Леброн Жэймс тоглоогүй тоглолт бүрээс 400 мянган доллар алдана
2020-04-03 11:16

Шинэ коронавирусийн халдварт цар тахлын улмаас Хойд Америкийн Үндэсний сагсан бөмбөгийн холбооны лигийн энэ улирлын тоглолтууд үргэлжлэхгүй нөхцөл байдалд хүрвэл “Сахиусан тэнгэрүүдийн хот”-ын од Леброн Жэймс үлдэж буй тоглоогүй 20 гаруй тоглолт бүрт авах байсан 400 мянган долларын алдагдлыг хүлээх болно гэж Bleacher Report мэдээлжээ.

ҮСБХ-ны удирдлага болон тоглогчдын үйлдвэрчний эвлэл улирлын үлдсэн тоглолтуудыг цуцалсан тохиолдолд тоглогчдод ядахдаа цалингийн 25 хувийг олгох талаар яриа хэлцлийг хийж байгаа юм.

Уг нь хамтын гэрээгээр, коронавирусийн халдвараас үүсэн нөхцөл байдлыг байгалийн давагдашгүй хүчин зүйл буюу форс мажор гэж үзсэн тохиолдолд цуцалсан тоглолт болгонд тоглогчид цалингийнхаа нэг хувийг л алдах аж.

Тодруулахад, “Хаан” Жэймс 2018 онд “Лос-Анжелес Лейкерс” багтай дөрвөн жилийн 154 сая долларын гэрээ байгуулсан билээ. 2019/20 оны улиралд Леброн 37,5 сая доллар авах ёстой.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй