Д.Нямхүү: ХӨСҮТ, Цэргийн төв эмнэлэгт тусгаарлагдсан 168 хүний давтан шинжилгээнд коронавирус илрээгүй
2020-04-03 11:41

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Дөрөвдүгээр сарын 1-нд Сэлэнгэ аймгийн Зүүнхараагийн нэг, Дархан-Уул аймагт тусгаарлагдсан нэг, нийт хоёр сэжигтэй тохиолдлын шинжилгээнд коронавирус илрээгүй. Энэ сайн мэдээ.

Цэргийн төв эмнэлэгт тусгаарлагдсан Катар Улсаас ирсэн 42 цэргийн алба хаагчийн шинжилгээнд коронавирус илрээгүй.

Мөн тандалтын шугамаар буюу Улаанбаатар хот болон аймгийн эмнэлгүүдэд эмчлүүлж буй уушигны хатгаагаар өвдсөн 81 хүний сорьцонд шинжилгээ хийхэд коронавирус илрээгүй байна.

ХӨСҮТ-д тусгаарлагдсан 110, Цэргийн төв эмнэлэгт тусгаарлагдсан 58 хүний давтан шинжилгээнд коронавирус илрээгүй.

Орхон аймагт тусгаарлагдсан 20, Дархан-Уул аймагт тусгаарлагдсан 11, Сэлэнгэ аймагт тусгаарлагдсан 2 хүний шинжилгээнд мөн коронавирус илрээгүй байна. Нийт 326 шинжилгээ хийжээ.

ХӨСҮТ-д Realtime PCR шинжилгээний машин дахин нэгийг ашиглалтад оруулсан. Ингэснээр өдөрт хийгдэх шинжилгээний тоо нэмэгдэнэ" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй