Кэти Перри охин төрүүлнэ
2020-04-06 12:35

35 настай дуучин бүсгүй Кэти Перри (Katy Perry) сүйт хархүү, жүжигчин, Холливүүдийн од, 43 настай Орландо Блүм (Orlando Bloom)-ийн хүүхдийг хэвлийдээ тээж буй билээ.

Хүүхдийнхээ хүйсийн саяхан мэдсэн залуус энэхүү баярт мэдээгээ шүтэн бишрэгчдэдээ өвөрмөц маягаар хүргэхийг оролдсон байна.

Аз жаргалтай инээмсэглэж буй нөхрийнхөө нүүрийг ягаан өнгийн тосоор нялгадсан гэрэл зургийн дор Кэти “Охин” гэсэн тайлбарыг бичжээ. 

Та юу гэж ойлгов? Зөв өө зөв, мөхөс би ч гэсэн таньтай нэгэн адил тэднийг охинтой болох гэж байгаа юм байна л хэмээн бодлоо.

Кэти, Орландо хоёр иймэрхүү далд санаатай мэссежээр чухал зүйлсээ мэдээлэх "туршлага арвин"-тай хоёр. Тэд сарын өмнө нуган үрээ хүлээж буйгаа шинэ дууныхаа клипээр дамжуулан мэдэгдэж байсныг та бүхэн санаж байгаа байх. Үгүй бол мэдээний төгсгөлд байгаа видеог үзээрэй.

Кэтигийн анхны жирэмслэлт бол Орландо өмнө нь супермодель Миранда Керртэй гэрлэж, хамтдаа амьдарч байсан агаад тэд Флинн хэмээх есөн настай хөөрхөн хүүтэй. Бас нэмж тодруулахад, Кэти, Мирандатай сайхан харьцаатай бөгөөд Флинн ч хойд эхдээ тун чиг сайн гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй