Адель экс нөхөртөө хэдэн саяыг үлдээх бол?
2020-04-07 13:59

Их Британийн алдарт дуучин бүсгүй Адель болон түүний нөхөр, америк бизнесмэн Саймон Конеки нар гэр бүлээ цуцлуулах болсноо жилийн өмнө зарласан билээ.

Тэдний гэр бүлээ цуцлуулах явц ганцхан жилийн нүүрийг үзэж буй нь оддын хувьд инээд хүрмээр бага хугацаа юм. Зарим оддын дуулиант салалт хэдэн жилээр үргэлжилдэг билээ.

Залуус ихэнх тохиролцоогоо хийчихсэн гэнэ. Хүүхэдтэйгээ уулзах, өсгөхөд хэн хэндээ садаа болохгүйгээр, хүмүүжүүлэх үүргийг эн тэнцүүхэн эдлэх үүргийг хүлээсэн байна.

Мөн санхүүгийн асуудлыг олон түмэнд мэдээлэхгүй, нууцлах тухай дуучин бүсгүйн хүсэлтийг шүүх хүлээн авчээ. Ингэснээр та бид тэдний 171 сая доллараа хэрхэн хуваасан тухай сонсож, хүмүүсийн мууд дурлах боломжгүй боллоо гэсэн үг.

“Холливүүдийн салалтууд олон жилээр сунжирч, хуучин амрагууд бие биенийхээ муу муухайг дэлгээд үнэхээр бохир заваан зүйлс болдог. Адель, Саймон хоёр ингэхийг хүсэхгүй байгаа юм. Тэд хүүхдийнхээ төлөө бүхнийг нууц байлгахыг зорьж байгаа” хэмээн залууст ойр эх сурвалж сэтгүүлчдэд ярьсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй