Хөл хорио буйданд “дайн” зарлав
2020-04-08 09:53

Ногоон тивийн нэгэн оршин суугч эмэгтэй хөл хорионы үеэр гэртээ хийсэн нэг зүйл нь ийм их шуугиан дэгдээнэ чинээ бодоогүй нь лавтай. Бүсгүй уг нь гэр орондоо “үхтэл” нь цэвэрлэгээ хийснийхээ л үр дүнг хүмүүстэй хуваалцахыг хүссэн аж.

Тэрбээр долоон жилийн турш огт гар хүрч цэвэрлээгүй буйдангийнхаа бүрээсийг тайлан авч угаахаар шийдсэн байна. Гэхдээ тэрбээр бүрээсийг угаалгын машин руу чихэлгүй, хуучны шалгарсан аргаар үзэж тарахаар шийдэн угаалгын нунтагийг “хайр найргүй” хийсэн халуун устай ванндаа хийж дэвтээжээ.

Хэсэг хугацааны дараа харсан зүйл нь гэрийн эзэгтэйг ихэд айлгасан байна. Тэрбээр усны өнгө ямар болсныг хараад л ямархуу бохир заваан буйдан дээр тарвалзан хэвтдэг байснаа ойлгоод огиудас нь хүрчээ.

Түүний цахим хуудсандаа оруулсан гэрэл зураг бүхий нийтлэлийг үзсэн бүсгүйчүүд буйдангийнхаа бүрээсийг шүүрэн авч угаах болсон байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй