Жоннигийн цуст хуруу буюу Эмберийн харгислал
2020-04-08 13:06

Хуучин нөхөр Жонни Депп өөрийг нь гүтгэж байна хэмээн Эмбер Херд шүүхэд өргөдөл гаргасан ч шүүх бүрэлдэхүүн хүлээж авахаас татгалзжээ.

Үүнд “урамшсан” жүжигчин эр өөрт нь Эмбер гар хүрдэг байсан шинэ баримтыг гаргаж өгсөн байна. Энэ удаа Жонни экс эхнэртэйгээ хийсэн ээлжит нэгэн “тулаан”-ы үеэр хаалганд хавчсаны улмаас хуруу нь нил цус болсон видео бичлэгийг олны хүртээл болгожээ.

“Би хуруугаа авахыг оролдсон ч гэрлэж нэг гэрт орсон энэ галзуу хүүхний солиотой үйлдэлтэй эвлэрэхээс өөр аргагүй болсон” хэмээн богино бичлэгийн дор бичсэн байна.

Харин жүжигчин бүсгүй Жонниг согтуу байхдаа утсаа хана руу шидэхдээ гараа гэмтээсэн гэсэн тайлбарыг хийжээ.

Депп энэ тайлбарыг нь ч худал гэдгийг нотлохыг оролдсон байна. Гэмт үйлдлээ баллахын тулд хэрэг гарсан орой Эмбер эмч рүү Жонни өөрөө гараа гэмтээсэн шүү гэх сонин утгатай мессэж илгээсэн гэнэ.

Сануулахад, 15 сар хамтдаа амьдарсны эцэст Депп, Херд хоёр 2015 онд салахаар шийдсэн билээ. Гэр бүлийн хүчирхийлэлд байнга өртдөг байсан гэх Эмберийн дайралтын улмаас олон нийтийн дунд үүссэн өөрийг нь үзэх ядах явдлыг намжаахын тулд Жонни экс амрагтаа олон сая долларын нөхөн төлбөр төлсөн.

Харин өнгөрөгч оноос Депп эхнэрээ зоддог байсан бус харин ч өөрөө хүчирхийллийн золиос болдог байсан баримтуудаа олон нийтэд дэлгэх болсноор асуудал өөр тийшээгээ эргэх болсон. Түүгээр ч зогсохгүй Жонни Депптэй амрагийн харьцаатай байсан хүүхнүүд болон авааль эхнэр, франц дуучин Ванесса Паради нар дуу нэгтэйгээр түүнийг хэзээ ч хүчирхийлэл үйлддэггүй, төлөв даруу нэгэн гэдгийг ярьж, ойлгуулах болсноор хөөрхий Жонни олны түмний өмнө “цагаадаж эхэлсэн” гэхэд болно.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй