Унадаг дугуйндаа 40 гаруй ухаалаг утас суурилуулжээ
2020-04-09 09:55

Хүмүүс гавьяаныхаа амралтад гарахаараа хүсдэг зүйлээ хийхийг оролддог ч ихэнх нь идэвхгүй байдаг гэхэд болно. Харин доорх өгүүлэх эрхэм бол маш өвөрмөц хоббитой нэгэн юм.

Тайванийн өндөр настан Чэнь Сан-Юань унадаг дугуй болон Pokemon Go тоглоомын донтон гэнэ. Юу нь сонирхолтой юм бэ гэж үү? Тэрбээр унадаг дугуйгаа хөлөглөн виртуал “мангас”-уудыг ухаалаг утаснуудынхаа тусламжтайгаар барьдаг аж. Гэхдээ хамгийн сонирхолтой нь покемонуудыг олж цуглуулахын тулд тэрбээр унадаг дугуйндаа хэдэн арван ухаалаг утсыг суурилуулсанд байгаа юм. Эхлээд арваадхан утас унадаг дугуйг нь “чимдэг” байсан бол өдгөө дөч гаруй утас тогтоосон түүний унадаг дугуй хүмүүсийн анхаарлыг ихэд татдаг болжээ.

Өөрсдийнх нь тоглоомонд “донтсон” өвөрмөц өндөр настны тухай олж мэдсэн Pokemon Go цахим тоглоомыг зохион бүтээгч Niantic компани өвгөнд зориулан тусгай төхөөрөмж бүтээж өгсөн байна.

“Мангас”-ны ангууч өвгөн унадаг дугуйндаа маш хүчтэй зай хураагуур суулгасны ачаар өдөржин утаснууд нь ямар ч асуудалгүй ажилладаг аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй