Шаардлага хангахгүй түр хашаатай барилгын компаниудад мэдэгдэл хүргүүлжээ
2020-04-09 14:40

НМХГ-ын Хөдөлмөрийн аюулгүй байдал, тусгай хяналтын хэлтсээс хийсэн шалгалтаар орчны аюулгүй байдлыг барилга явагдаж байгаа хугацаанд хангах зорилгоор барих ёстой барилгын түр хашаа нь шаардлага хангаагүй барилгуудад илэрсэн зөрчлийг арилгуулахаар хугацаатай үүрэг даалгавар өгсөн байна.

Тодруулбал,

- Чингэлтэй дүүргийн 9 дүгээр хороонд 15 давхар үйлчилгээтэй орон сууцны барилгын гүйцэтгэгч “Тиратур” ХХК-ийн барилгын хашаа нурсан нь,

- Сүхбаатар дүүргийн 9 дүгээр хороонд 15 давхар үйлчилгээтэй орон сууцны барилгын гүйцэтгэгч “Арц суварга” ХХК, “Мөнгөн элсний шим” ХХК-иудын барилгын хашаа нурсан нь,

- Сүхбаатар дүүргийн 11 дүгээр хороонд үйл ажиллагаа явуулж буй  “Бэрэн групп” ХХК-ийн барилгын хашаа нурсан нь UCS0001-01:2019 стандартын шаардлагыг хангахгүй байгаа тул илэрсэн зөрчлийг арилгуулахаар Нийслэлийн Мэргэжлийн хяналтын газрын даргын “Эрсдэлээс урьдчилан сэргийлэх тухай” 02-01/1050, “Барилгын ажлын аюулгүй байдлыг хангуулах тухай” 02-01/445 тоот  мэдэгдлүүдийг тус тус хүргүүлэн хугацаатай үүрэг даалгавар өгчээ.

Эх сурвалж: НМХГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй