“Бэтмен” коронавируст “дийлдэв”
2020-04-22 13:04

Холливүүдийн алдарт Warner Bros. кинокомпани хэдэн киноныхоо нээлтийг хойшлуулахаар болсноо зарлав.

Дараа жилийн зургаадугаар сарын 25-нд нээлтээ хийхээр товлоод байсан "Бэтмен" (The Batman) киноны дэлгэцэнд гарах хугацааг коронавирусийн халдварт цар тахлын улмаас хэдэн сараар хойшлуулан 2021 оны аравдугаар нэгэнд нээлтээ хийхээр болжээ.

Кинонайруулагч Мэтт Ривзийн энэхүү кинонд Роберт Паттинсон, Зои Кравиц болон Колин Фаррелл нарын одууд тоглож байгаа бөгөөд энэ оны нэгдүгээр сард Лондон хотноо эхэлсэн зураг авалтыг гуравдугаар сарын 15-нд коронавирусийн халдварын гайгаар тодорхойгүй хугацаагаар хойшлуулсан.

“Бэтмен”-ээс гадна тус студи 2022 оны долоодугаар сарын 1-нд нээлтээ хийхээр төлөвлөөд байсан "Флэш" (The Flash)-ийн дэлгэцэнд гарах хугацааг нэг сараар нааш нь татаж, зургаадугаар сарын 3-нд хийхээр болсон тухайгаа мэдэгджээ. 

Мөн "Шазам 2" (Shazam 2)-ийн нээлтээ хийх огноог 2022 оны дөрөвдүгээр сарын 1-нээс тухайн жилийнхээ арваннэгдүгээр сарын 4 болгон өөрчлөлт оруулсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй