Том Хэнкс коронавирусийн эсрэг вакцин “бүтээнэ”
2020-04-27 12:40

Холливүүдийн од, нэр жүжигчин Том Хэнкс алдартнуудаас анхлан коронавирусийн халдварт өртөж, эмнэлэгт хүргэгдээд амжсан билээ.

Том гэргийнхээ хамт илааршин эмнэлгээс гараад бараг сар гаруй хугацаа өнгөрч байгаа ч тэрбээр саяхан уг өвчинтэй холбоотой “ноцтой” мэдэгдлийг дахин хийсэн байна.

Гэхдээ Нямхүү захирлын хэлдгээр сайн мэдээ гэх үү дээ. Түүний болон эхнэрийнх нь цусыг вакцин бүтээхэд ашиглах хүсэлт ирснийг баяртайгаар хүлээн авснаа мэдэгджээ. Алдартай жүжигчин эр үүнд “хэнкцин” хэмээх алдрыг хэдийнэ хайрлан, хошигноод амжсан гэнэ.

Эхнэрийнхээ хамт Австралид байгаа Том Хэнкс өөрсдийнх нь цусанд эсрэг биет үүссэнийг мэдсэн даруйдаа орон нутгийн эмнэлэгт цусаа хандивлаж, донор болцгоосон байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй