Хөршдөө туслаад баяжжээ
2020-04-28 10:19

АНУ-ын Делавэр мужийн Уилмингтон хотын оршин суугч нэгэн бүсгүй хөгжлийн бэрхшээлтэй хөршдөө туслахын ялдамд хонжворт сугалаанд азаа үзээд баяжсан байна.

Хөл хорионд байгаа 52 настай тусч бүсгүй хөршийнхөө хүсэлтээр дэлгүүр лүү явжээ. 

“Дэлгүүрт ороод өөртөө хэдэн хонжворт сугалааны тасалбар яагаад авч болохгүй гэж бодсон” хэмээн нэрээ нууцлахыг хүссэн азтан өгүүлэв.

Азаа турших дуртай бүсгүй агшин зуурын хонжвортой Money Frenzy сугалааны хоёр тасалбар худалдан авчээ. Хусч арилгатал нэг тасалбар нь түүнд 250 мянган доллар (696 сая 500 мянган төгрөг)-ын хожлыг авчирсан аж.

“Би маш их баярласан, гайхсан. Учир нь тэр өдөр дэлгүүр лүү явах төлөвлөгөө надад байгаагүй юм” хэмээн аз нь шовойсон бүсгүй ярив.

Хожлын мөнгөө бүсгүй шинэ байшин худалдан авах болон хөгжлийн бэрхшээлтэй хөршдөө автомашин авч өгөхөд зарцуулах бодолтой байгаа гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй