Эмма Уотсоны найз залуу “гэрэлд цохиулав”
2020-04-28 12:20

30 настай жүжигчин бүсгүй Эмма Уотсон жил гаруйн хугацаанд найз залуугаа хэвлэл мэдээллийнхнээс нууж чадсан ч энэ бүхэн хэзээ нэгэн цагт илрэх нь тодорхой байсан.

Түүний найз залуу нь Калифорни мужаас гаралтай бизнесмен Лео Робинтон гэгч агаад тэр ч хайртай бүсгүйнхээ нэгэн адил олны анхаарлын төвд орох туйлын дургүй нэгэн аж.

Өнгөрөгч оны аравдугаар сард Лондон хотын нэгэн кафед болзож буй залуу хосын гэрэл зургийг папарацци нар анх авч дөнгөсөн ч тухайн үед үл таних залууг хэн болох талаар  ямар ч мэдээлэл олж чадаагүй юм.

Лондонд гэнэдсэнээсээ хойш залуус бүүр ч болгоомжтой болж Лео нийгмийн сүлжээний цахим хаягнуудаа хаасан аж.

Залуугийн найз нөхөд жүжигчин бүсгүйтэй дотно харилцаатай болсныг нь мэдээд ихэд цочирдсон тухай нэгэн сул амтай этгээд хэвлэлийнхэнд “шивэгнэсэн” байна.

Энэ “сул амтай” этгээд Эмма найз залуугаа эцэг, эхтэйгээ танилцуулсан хэмээн мөн нэмж “матжээ”. 

Жүжигчин бүсгүйн төлөөлөгч түүний хувийн амьдрал болон Леогийн тухай цуу ярианд ямар нэгэн албан ёсны тайлбарыг одоогоор хийгээгүй байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй