Жижи Хадид бие тулгар болжээ
2020-04-29 12:47

25 настай загвар өмсөгч, супермодель Жижи Хадид болон түүний найз залуу One direction хамтлагийн экс гишүүн, дуучин Зейн Малик нар удахгүй үрийн зулай үнэрлэх бололтой.

Барууны хэвлэлүүдээр гарч байгаа мэдээллийг үзвэл, Хадид жирэмслээд 20 долоо хоногийг хэдийнэ ардаа хийсэн аж. Хүүхдийнхээ хүйсийг залуус мэдэж буй эсэх нь тодорхойгүй ч тэдний гэр бүлийнхэн туйлын баяртай байгаа гэнэ.

Америк загвар өмсөгч бүсгүй болон англи дуучин залуу хоёрын үерхэл таван жилийн турш үргэлжилж буй бөгөөд энэ хооронд тэд хэдэнтээ салж, нийлээд амжсаныг та бүхэн мэднэ. 2018 онд бүр хоёр удаа салж нийлээд амжсан залуус урт хугацаанд тусдаа амьдарсны эцэст өнгөрөгч оны сүүлээр эргэж нэг гэрт орсон нь ил болсон билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй