Энистон "Найзууд"-аа уриалав
2020-05-01 13:37

Холливүүдийн од, 51 настай жүжигчин бүсгүй  Женнифер Энистон (Jennifer Aniston) шинэ коронавируст халдварын цар тахалтай хийж буй тэмцэлд дэмжлэг үзүүлж, их хэмжээний мөнгө хандивласан байна.

Хүмүүнлэгийн үйлсээ олонд ил зарлаж, сурталчлах дургүй жүжигчин бүсгүй өөрийн шүтэн бишрэгчдээ уриалах зорилгоор энэ удаад энэхүү “бичигдээгүй” хуулиа зөрчсөн аж.

“Найзууд” цувралын од бүсгүй Америкийн сувилагчдын санд хандиваа өргөсөн байна.

“Тэдний эр зориг, хичээл зүтгэлийг юугаар ч үнэлэхийн аргагүй. Тэдэнд та бидний тусламж, дэмжлэг хэрэгтэй байна. Өвчтөнүүдийнхээ төлөө үргэлж санаа тавьж байдаг та бүхэн бидний баатрууд юм шүү” гэж Женнифер энэхүү уриалгадаа дурджээ.

Сайхан сэтгэлт бүсгүй хандивласан мөнгөнийхөө хэмжээг бичээгүй ч олон оронтой тоо байсан гэдгийг нь нэгэн эх сурвалж хэвлэлийнхэнд ярьсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй