“Трансформер”-ийн шинэ киноны дэлгэцэнд гарах тов тодорчээ
2020-05-04 12:22

Paramount Pictures кинокомпани “Трансформер”-ийн ээлжит киног дэлгэцэнд гарах огноог зарлажээ. Уг бүтээл 2022 оны зургаадугаар сарын 24-нд АНУ-ын кинотеатруудад нээлтээ хийх гэнэ.

Одоогоор тус кинокомпани “Трансформер”-ийн хоёр төслийг эхлүүлээд байгаа ч ажлын нэр ч өгөөгүй байгаа аж. Нэг кино зохиолыг нь “Шинэ хүн аалз” киноны зохиолч Жэймс Вандербильт бичиж байгаа бол нөгөөг нь “Артур хааны сэлэм”, “Робин Гүүд”-ыг бичсэн Жоби Харольд “оролдож” байгаа тул хэнийх нь зохиол дэлгэцийн бүтээл болохыг харах л үлдлээ.

Мөн Netflix энэ жилээс “Трансформерүүд: Кибертроны төлөөх тэмцэл” олон ангит хүүхэлдэйн киног гаргаж эхлэхээ зарлаад байгаа билээ.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй