Роналду Италид эргэн ирэв
2020-05-05 11:14

“Ювентүс” багийн довтлогч Криштиану Роналду Италид эргэн иржээ.

Шинэ коронавирусийн халдварт цар тахлын улмаас Италийн Сери А лиг гуравдугаар сард түр завсарлах үеэр төрөлх Мадейру арал руугаа буцсан 35 настай португал залуу урьд шөнө Турин хотод ирсэн байна.

Ирсэн даруйдаа гэртээ тусгаарлагдаж буй Роналду 14 хоног хөл хорионд орсны эцэст багийнхаа бэлтгэлийн баазанд хамтарсан бэлтгэлд орох юм.

Ойрын өдрүүдэд тус багийн бусад легионерүүд болох Гонсало Игуаин, Дуглас Коста, Алекс Сандро, Данило, Войчех Шченсны, Адриен Рабьо, Сами Хедира, Маттейс де Лигт болон Блез Матюиди нар мөн Туринд хүрэлцэн ирэх гэнэ.

Тодруулахад, Италид тавдугаар сарын 4-нөөс хувийн бэлтгэл, 18-наас багийн бэлтгэл эхлүүлэхийг албан ёсоор зөвшөөрсөн билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй