Илон Маск, Граймс нар хүүхэдтэй болжээ
2020-05-05 12:47

Инди поп стилиэр дуулдаг 32 настай канад дуучин бүсгүй Граймс /жинхэнэ нэр Си Буше/ өчигдөр амаржиж анхныхаа үрийн зулайг үнэрлэсэн байна. Харин түүний найз залуу 48 настай Илон Маскийн зургаа дахь хүүхэд нь юм.

Хүүтэй болсноо Илон твиттер хуудсандаа жиргэж, олон түмэнд зарлан тунхагласан байна.

Залуус үерхээд бараг хоёр жилийн нүүрийг үзэж байгаа билээ. Багахан хугацаанд үерхсэн шуугиант жүжигчин Эмбер Хердээс бизнесмэн залуу бүрмөсөн салснаас хойш хэдэн сарын дараа буюу 2018 оны тавдугаар сард болсон нэг үдэшлэгт тэд хамтдаа ирж, дурлалт хос болсноо “зарласан” юм.

Дуучин бүсгүйтэй жиг ургуулахаасаа өмнө Илон хоёр ч удаа гэрлэж байжээ. Эхний эхнэр Жюстин Уилсон нь түүнд таван хүүхэд төрүүлж өгсөн бөгөөд хамтдаа найман жил амьдарсан байна. Харин хоёрдахь гэргий британийн жүжигчин бүсгүй Талула Райлитай бизнесмэн эр 2010-2016 оны хооронд хамт амьдарчээ. Залуус энэ хугацаанд нэг удаа салаад нийлж амжсан гэж байгаа.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй