Алдаа нь аз дагуулжээ
2020-05-07 09:36

Австралийн Тасмани мужийн Хобарт хотын оршин суугчийн худалдан авсан “буруу” хонжворт сугалаа нь түүнийг саятан болгосон байна.

“Би уг нь амралтын өдрүүдээр Superdraw-ийн тасалбар авч тоглох гэж байгаад андуураад TattsLotto-гийн тасалбар авчихсан юм. Харин энэ эндүүрэл маань надад томоохон хожил авчирлаа. Алдсандаа аймаар их баярлаж байна” гэж нэрээ нууцлахыг хүссэн азтан өгүүлжээ.

1,2 сая австрали доллар (2 тэрбум 155 сая төгрөг) хожсон сайхь эр хожлынхоо мөнгөөр байрны зээлээ эн тэргүүнд барагдуулах гэнэ.

“Дараа нь харж байгаад л болно доо. Хөл хориог цуцласны дараа гадуур гарч хожлоо найз нөхөд, гэр бүлийнхэнтэйгээ нижгэр тэмдэглэнэ дээ” хэмээн азтан өгүүлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй