Кара Делевинь найз бүсгүйгээсээ салжээ
2020-05-07 11:13

Шинэ коронавирусийн халдварт цар тахлын улмаас тогтоосон хөл хорионы үеэр салж сарниж буй хосуудын эгнээнд нэгэн цуутай хос нэгдсэн байна.

Их Британийн супермодель, жүжигчин бүсгүй Кара Делевинь болон түүний найз бүсгүй, жүжигчин Эшли Бенсон нар хоёр жил хамтдаа амьдарсны эцэст салж буй талаар Америкийн алдарт ELLE сэтгүүл мэдээлжээ.

Уг нь бүсгүйчүүд бие биендээ хязгааргүй хайртайгаа илэрхийлж удахгүй хуримлах тухайгаа ярьж байсан нь саяхан шүү дээ. Эшли найзынхаа нэрийг биедээ шивүүлсэн гээд бод доо.

Гэвч бүсгүйчүүд өнгөрөгч сард чимээгүйхэн шиг, эв найрамдалтай салсан тухай нэгэн баттай эх сурвалж тус сэтгүүлийн газрынханд “шивнэсэн” гэнэ. Сүртэй зүйл биш зүгээр л дурлалын гал бөхөж, бүсгүйчүүд тус тусынхаа зам мөрийг хөөхөөр болсон аж.

Сануулахад, сайхан бүсгүйчүүд амрагийн харьцаатай болсноо 2018 оны хавар анхлан зарлаж байсан юм. Даанч тэдний дурлал хөл хорионы хатуу бэрхийг давж чадсангүй дээ...


 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй