Дохионы хэлмэрч С.Бямбадэлгэр “АЛТАН НАР” одонгоор шагнуулав
2020-05-07 14:02

Монголын паралимпийн хороо /МПХ/ тэргүүн дээд шагнал болох “Алтан нар” одонгоороо дохионы хэлмэрч, орчуулагч С.Бямбадэлгэрийг өнөөдөр /2020.05.07/ шагналаа.

Шагнал гардуулахад МПХ-ны Ерөнхийлөгч Д.Нямхүү, Азийн паралимпийн хорооны Спорт ба эмэгтэйчүүд комиссын гишүүн Н.Оюунбат, МПХ-ны дэд Ерөнхийлөгч Д.Сүрэнхорлоо нар оролцлоо гэж Монголын паралимпийн холбооноос мэдээллээ. 

МПХ-ны Ерөнхийлөгч Д.Нямхүү “Хөгжлийн бэрхшээлтэй иргэдийг спортоор дамжуулан нийгмийн харилцаанд оролцуулах, спортоор хичээллэх ажлыг бид хийдэг ч бидний огт хийж чаддаггүй харилцан ойлголцох, хамгийн чухал ажилд сэтгэл зүрхээ зориулж яваад нь талархал илэрхийлж, МПХ тэргүүн дээд шагналаа гардуулж байна” гэсэн юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй