Газраа мөнгөөр “борджээ” 
2020-05-08 09:40

Хэдэн жилийн өмнө БНХАУ-ын Аньхой мужид газар тариалангийн аж ахуй эрхлэгч Ван овогт тариачин эр эцэг, эхээсээ хоёр сая юань (786 сая төгрөг) –ийг өв залгамжилж авчээ.

Зурагтаар банк дээрэмдсэн тухай мэдээ харчихаад сайхь эр сайтар бодсоны эцэст мөнгөө хамгийн баталгаатай аргаар хадгалахаар шийдсэн нь газарт булах байсан гэнэ.

Гэвч түүний бодол буруу байсныг саяхан мөнгөө ухаж гаргахдаа ойлгосон байна. Нилээдгүй мөнгөн дэвсгэрт ялзарсан байсан бол цөөнгүй дэвсгэрт бараг үнс нурам шиг нунтаг үйрмэг болсон байжээ.

Гэхдээ “хашир эр”-ийг аз түшиж, банкны ажилтнууд мөнгөн дэвсгэртүүдийг хичээнгүйлэн сэргээн засварласны ачаар арай ч бүх мөнгөө алдчихаагүй аж. Гэхдээ л тэр их мөнгөний 25 хувийг газарт өргөчихсөн гээд бодохоор бас л хайран санагдаж байгаа биз?

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй