“Аватар”-ын зураг авалтаа үргэлжлүүлэхийг Шинэ Зеланд зөвшөөрчээ
2020-05-09 11:55

Ногоон тивтэй хаяа нийлэн оршдог үзэсгэлэнт байгальтай Шинэ Зеланд улсад явагдаж байсан “Аватар” киноны зураг авалт шинэ коронавирусийн халдварт цар тахлын улмаас түр зогссон билээ. Тэгвэл киноны зураг авалт үргэлжлэхээр болжээ.

Учир нь, тус улсын Засгийн газар хөл хорионы дэглэмээ сулруулж, дотоодын болон гадаад кинонуудын зураг авалтуудыг үргэлжлүүлэхийг зөвшөөрсөн байна.

Хөл хорионы улмаас Weta Digital-ын хамт олонтой студийн зураг авалт дээр ажиллаж байсан найруулагч Жэймс Камероны багийнхан байгаль дахь зураг авалтдаа эргэн орж байгааг та бүхэн тус киноны албан ёсны твиттер хаягнаас үзэж болно.

Цар тахлаас үүдэн дахин элдэв саад тотгор учрахгүй бол “Аватар 2” киноны дэлхийн нээлт дараа жилийн арванхоёрдугаар сарын 17-нд болох агаад энэ огноонд өөрчлөлт бүү ороосой гэж кино сонирхогчид залбирах л үлдлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй