УИХ-ын гишүүн С.Жавхлан Ардчилсан намд элслээ
2020-05-14 13:48

УИХ дахь Ардчилсан намаас УИХ-ын гишүүн С.Жавхлан Ардчилсан намд элсч байгаа талаар өнөөдөр /2020.05.14/ мэдээлэл хийлээ.

АН-ын даргаас батламжаа гардаж авсныхаа дараа тэрбээр "Өнөөдөр АН-ын ес дэх гишүүн болж, бүтэн болгож байгаа үйл явдалдаа туйлын баяртай байна. Өнгөрсөн дөрвөн жилийн хугацаанд дуу хоолойгоо хүргэхээр өндөр хэмжээнд өөрийгөө дайчилж ажилласан боловч миний санасанд төдийлөн хүрээгүй. Гэхдээ би алгуурлаж, үзэл санаанаасаа ухраагүй.

Өнөөдөр олуулаа болж байгаадаа баяртай байна. Цэнхэр тэнгэрийн орноо хонхны дуу цохилж, Монгол нутгаа хөхрөн цэнхэртүүлэх цаг айсуй" гэлээ. 

С.Жавхлан Ардчилсан намд элссэнээр тус нам УИХ завсарлахын өмнөх өдөр бүлэгтэй болох боломжтой болж буй юм. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй