Коронавирусийг ялсан улс дахин нэгээр нэмэгджээ
2020-05-15 10:23

Маврикий улсад шинэ коронавируст халдвар авсан бүх өвчтөнүүд эдгэрч эмнэлгээс гарсан бөгөөд 17 хоногийн хугацаанд халдварын батлагдсан тохиолдол бүртгэгдээгүй байна.

“Бид ард түмэнтэйгээ нягтарч, хамтын хүчээр зүтгэсний хүчинд л энэхүү тулаанд ялалт байгууллаа” гэж тус улсын Эрүүл мэндийн сайд Кайлеш Ягутпала мэдэгджээ.

Африк тивийн тус улсад чанга хатуу хорио цээрийн дэглэм тогтоосон юм. Энэ үеэр дэлгүүр, хоршоог ч ажиллуулаагүй аж. Хэдийгээр халдварын батлагдсан тохиолдол гаралгүй олон хонож байгаа ч наранд шарлагын газар, сургууль зэрэг хүмүүс олноор цуглардаг газар, байгууллагуудын үйл ажиллагааг нээхийг яарахгүй байгаа юм.

Маврикийд 332 хүн Covid-19-өөр өвдөж, 10 хүн ертөнцийн мөнх бусыг үзүүлж бусад нь эдгэрчээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй