Конор Флойдоос даагаа нэхэх үү?
2020-05-19 11:13

Холимог тулааны UFC холбооны хоёр жингийн аварга асан Конор Макгрегор мэргэжлийн боксын домогт аварга Флойд Мэйвезерээс даагаа нэхэх тулаан хийхэд бэлэн гэдгээ зарлажээ.

“Эргэн дурсахад, үнэхээр сайхан тулаан байсан шүү. Эхний хэдэн үеийг би давамгайлсан гэж бодож байна. Сүүлийн хэдэн үед хэдий ядралтай ч гэсэн би түүнийг хөөж тоглосоор л байсан.

Мэргэжлийн боксын нэр хүндтэй, домогт тамирчид намайг тоож, өндрөөр үнэлсэнд би маш их талархаж байна. Ялангуяа Майк Тайсанд...

Түүнтэй дахин тулалдахад би бэлэн” гэж Конор бичжээ. 

2017 онд болсон энэхүү тулаанд Мэйвезер ирланд залууг 10-р үед хүнд цохилтоор буулган авсан билээ.

Флойд Мэйвезер түүний энэхүү дуудлагыг хүлээн авах эсэхийг хүлээх л үлдлээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй