Д.Нямхүү: 367 хүнд давтан шинжилгээ хийхэд коронавирус илрээгүй
2020-05-19 11:32

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Тавдугаар 18-нд ХӨСҮТ-ийн вирус судлалын хоёр лаборатори, ЗӨСҮТ-ийн лаборатори болон Дархан-Уул аймгийн салбар лабораторид нийтдээ 367 хүнд давтан шинжилгээ хийлээ. Бүгд сөрөг гарсан.

Задалж хэлбэл, ХӨСҮТ-д тусгаарлагдан хянагдаж байсан найман хүн, ажиглах байранд тусгаарлагдаж байгаа 315 хүн, тандалтын зорилгоор Дундговь аймгийн нэгдсэн эмнэлэг болон Хан-Уул, Баянгол дүүргийн нэгдсэн эмнэлгээс цуглуулсан 17 сорьцонд коронавирус илрээгүй байна. 

Дархан-Уул аймгийн вирусологийн салбар лабораторид Алтанбулагийн боомтоор орж ирсэн 27 ачаа тээврийн жолоочид шинжилгээ хийхэд коронавирус илрээгүй.

Бас сайхан мэдээ байна. Өнөөдөр хоёр хүн эдгэрч, ХӨСҮТ-ээс дараагийн шатны хяналт руу шилжиж байна.

Ингээд нийт батлагдсан тохиолдол 140. Эдгэрсэн 26 боллоо. Эмчилгээнд 114 хүн байна. ХӨСҮТ-д 182 хүн эмчилгээ, хяналтад байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй