Д.Нямхүү: Өчигдөр хийгдсэн 247 шинжилгээнд коронавирус илрээгүй
2020-05-20 11:42

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Тавдугаар 19-нд буюу өчигдөр ХӨСҮТ-ийн вирус судлалын хоёр лаборатори болон Дархан-Уул аймгийн салбар лабораторид нийтдээ 247 шинжилгээ хийгдсэн байна. Бүгд сөрөг буюу коронавирус илрээгүй.

Задалж хэлбэл, ХӨСҮТ-д тусгаарлагдсан 13 хүн, Орхон аймагт тусгаарлагдсан нэг хүний давтан шинжилгээ, ажиглах байранд тусгаарлагдаж байгаа 160 хүн, Дорноговь аймгийн Замын-Үүд суманд тусгаарлагдсан таван хүн, тандалтын зорилгоор УНТЭ болон дүүргийн нэгдсэн эмнэлгүүдээс цуглуулсан 32 сорьцонд коронавирус илрээгүй байна. 

Дархан-Уул аймгийн вирусологийн салбар лабораторид Алтанбулагийн боомтоор орж ирсэн 36 ачаа тээврийн жолоочийн шинжилгээнд коронавирус илрээгүй.

Ингээд Монгол Улсад нийт батлагдсан тохиолдол 140. Үүнээс 26 хүн эдгэрч дараагийн шатны хяналт руу шилжсэн байгаа. Өвчтөнүүдийн талаар үнэллээ. 87 хөнгөвтөр гэж үнэлэгдлээ, хүндэвтэр 27 байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй